劉鑾雄！Andy Warhol！毛澤東！1.3億！
相信大家都睇左今日既報紙頭條：
劉鑾雄
Andy Warhol
毛澤東
1.355億港元（1737萬美元）
以上邊個詞語最吸引你對眼球呢？
- 師奶兵團見到大劉個名就梗係識開定花生等睇戲，全方位追擊佢同+欣同Andy同阿毛生既四角關係。
- 一眾浦開牛棚影藝咖啡廳既知識份子文藝老兄睇到報頭大相，唔使睇名都知係Andy Warhol幅名畫上頭條，當堂興奮左一陣，以為係香港地搞文藝終於有出頭之日喇！
- 各路叔伯晨早上茶樓呷啖普洱都未落肚，一打開份報紙就見到大大個老毛icon，當堂嚇窒！再細心推敲觀察，發覺D色水同平時睇開果張略有不同，莫非有咩變天猛料秘聞？
- 就算你對上述三位仁兄都冇興趣或者冇頭緒，但只要見到咁大個銀碼，自然金精火眼「目及」實邊位老細大耍財技，拿拿聲番公司吞port上網搵料，預測下後市走勢度定個投資策略喇！
一篇新聞滿足哂香港人既N個願望，絕對比kinder出奇蛋神奇百倍。「劉鑾雄用1.3億港元買左Andy Warhol幅『毛澤東』」－－真係唔上頭條都唔得，整定！
- Flickr: The Andy Warhol Pool
- the warhol: online factory - 試下用Andy Warhol既方法創作，你都可以整番張Andy Warhol style既twins或者澤尻繪里香。