達明與囡囡
今日下午好暑熱，悶在家中，竟然遇到TV group的達ming開台（已經好幾個月無追看TV group了）。我聽了約一粒鐘，究竟他講甚麼呢？
「點解話出黎做d女污糟？．．．上邊d女分分鐘仲乾淨過你條女喇．．．」
(一路打ICQ一路說) 「咩女黎架？係加拿大．．．好遠，搭/打飛機喎要．．．」
(回應網友留言)「達ming尋晚一定大叫『我要初戀呀』．．．差唔多喇！」
(網友又重提達ming上去玩時，打賞了一千蚊tips給小姐) 「一千蚊好多咩？我唔覺一千蚊好多喎．．．過大海玩落樓都唔止一千喇．．．其實比得起有乜所謂？」
「試下代入條女個角度諗下．．．」
「唔叫又點知D女慘呀！」
「我出來玩，係玩feel，靚唔靚對我黎講唔重要，身材好唔好都唔重要．．．」
「上大陸有兩樣野我一定會做，飲茶同飲酒．．．係上面飲茶．．．隻蝦仲大過粒蝦蛟！．．．係香港飲茶．．．隻蝦係咪發育不良？」
「宏觀少少睇下背面既意義．．．我開台諗到乜就講乜，字面一定有D地方可以斟酌。」
無錯，這粒半鐘就是他 7/1 北上玩樂的報告，外加一些他的個人觀察、見解。你可能會認為「咁都好講一餐？咪又係雞蟲一條係度吹水！」「咦，上上邊玩咁污漕架，仲要周圍同人講，變態！」開始聽聞到這個人時，我也對他無甚好感，只覺得他是on 9仔一條，周圍與人對罵做盡蠢事。但後來發覺他都有些自己的見解，甚至有電腦雜誌為他「達ming」的身份而訪問他。你可以說他對很多事都看得開，活得逍遙自在，沒有包袱，有自己的看法 (尤其是女！)。但另一方面你又會說他沒有道德標準，既咸濕又麻甩，事事都自圓其說。可能某程度上，達ming代表了他從屬的社會階層的價值觀吧，以他自己的說法：「我自己又唔係咩大學生，其實我同佢地 (指娛樂場所工作的的女子) 都係同一個世界既人．．．」好像在他眼中，大學生依然是一個高人一等的群體，大學畢業生是一班懶係高級懶係有料扮哂野的友仔。我自己身為大學生，對這種認知倒感到有點尷尬和冤枉。很多人說現今的大學生不濟，因為他們期望大學生是社會精英，是社會楝樑，應該是一班「有料扮得起野」的友仔，但偏偏現在的大學生卻是四不象，只是「無料但懶係有野」的友仔。這種大眾的觀察，似乎表達了他們的憤概和期望吧。
但大學教育真令人變得虛偽兼不知所謂嗎？其實大學生都只不過與普通人一樣，努力地在扮演自己的角色，為求搵餐晏仔。只不過大家族群不同，大家看大家不順眼罷了。大學生圍埋up兩句英文，同地盤佬圍埋就爆粗，同黑社會圍埋就講劈友有乜分別？本質一樣。
《AV》的狼狗uncle講過「點解咸碟係有格仔既，點解我狼狗賣既咸碟係冇格仔既．．．因為我要比香港人知道咩係真！RRRREEEEAL!!」香港人由朝到晚聽官腔看樣版戲．．．實在太膩。達ming講出自己心聲，夠RRRREEALLL，夠爽，所以好聽。
January 9th, 2006 at 02:25
[…] 與AV有關： 「點解a片有格仔」 「點解打格仔」 […]