fanta:para:site

之前提到同A75講bye bye，不料果然應驗。昨晚唱K耍樂，拿出DC準備影相留念之際，LCD畫面竟然出現”memory card error”這段error message，多次重開及抽出插入CF卡亦不能解決問題，幸好回家後相片原好無缺，先儲存好相片第二天再仔細研究。

今早用canon原廠跟機的32Mb卡測試，先嘗試在相機中format CF card，但相機顯示CF卡容量竟然只有3.8Mb。強行format，但畫面一黑只顯示”E50″。嘗試用電腦format CF卡再插入，亦徒勞無功。再用幾張CF card來測試(包括之前一直使用的PQI 64Mb，新購入的Kingston 512Mb)，結果亦相同。

再check 機內的CF slot，亦沒有彎曲或斷針的情況出現。究竟出了甚麼問題？

為了慶祝bagghin生日，在聖誕過後新年之前的一晚，去BC看了聖誕快樂(Joyeux Noël)，觀賞時間尚算應節，不過依bagghin所講，平安夜來看最好feel。

當男高音和唱蘇格蘭士兵的風笛，那場戰爭開始走了板。三國代表在no man land開會相討平安夜停戰時，觀眾終於笑了，我也笑了：大家可以坐下來好好談談，又何需打生打死？當大家建立了友誼，又怎能夠若無其事地繼續互相廝殺？故事發展下去越發荒謬，戰爭成為一種形式，徒具外表的差事，大家一早已經無心戀戰。

一路看電影，我一路想：「仲打乜鬼仗？玩煮飯仔咩而家！」電影情節越荒謬，我越陷入一片混亂，想不通戰爭的意義何在，除了「誓死效忠」四個字－－如果這也算是一個理由，一個讓大粒佬找人送死以滿足自己變態慾望的理由。

故事的結局當然不是甚麼happy ending，它不需要騙師奶去破涕為笑。它讓我想起很久以前看過的無人地帶(No Man’s Land)，同樣描寫一個在no man land上發生的荒謬處境，角色們最終的去向，同樣沒有人關心。不同的是，聖誕快樂的背景是第一次世界大戰，無人地帶的背景是波斯尼亞戰爭，好像戰爭的荒謬本身沒有怎樣變過。

電影最後出字幕，說1914年平安夜有多處前線軍人共同慶祝聖誕，我半信半疑。步出戲院，wm問我這是真人真事嗎？我不知道，也不太敢想。一夜溫馨，過後的炮火會否顯得更加悲涼？

龍脊係介乎打爛埕頂山同雲枕山之間既山脊，屬於港島徑第八段既一部份。路線冇乜大上大落，算係輕鬆之選。如果嫌港島徑第八段路程稍長，可以遊完龍脊之後，係大潭坳退出搭車閃人。有心既可以全走第八段落大浪灣玩水。

今日金鑽陣容出遊龍脊，非常罕見！大家先係筲箕灣補充糧水，再搭巴士入石澳，係土地灣站落車。車站旁就係龍脊入口，非常便利。

可能假期關係，全條路線都頗熱鬧，有好多鬼佬帶狗仔出遊，又有人踩越野單車，仲有一班人係山上放遙控飛機。脊上可以望哂石澳、大浪灣、紅山半島、赤柱一系列港島南區優質地皮，真係一條五星級既睇景路線。脊上相當大風，吹到面都歪，但海風真係爽爆！美中不足既係，今日煙霞太勁，遠少少都白茫茫一片，香港既睛朗天空越來越少見，真係想嗌一句：「還我青天！」

大家踏住開朗既腳步，好快就到達終點大浪灣喇。原本以為睇下海影幾張到此一遊就閃，點知呢個海灘先係今日既高潮所在，完全有離哂題既感覺！

首先係我同german既solo

張學友 & 噴射引擎

怒踢板友 + Matrix

雙截龍®！

嘯海潛龍！

個海灘都幾多人，唔知有冇人留意我地？不過大家都已經發揮到渾然忘我既境界．．．

本來行山都冇乜野，打完一輪功夫反而腳仔軟，火速坐van仔出去食飯醫肚。

交通
新巴9號：筲箕灣至石澳，於土地灣站落車。
紅van來往大浪灣及筲箕灣。假日亦有新巴9號班次繞經大浪灣。

今日與matt悠閒一影，黃昏的荃灣碼頭。想當年荃灣碼頭有快船出中環的，現在已經拆掉變成珀麗灣的碼頭。

餘輝映照下的海濱長廊

荃灣西站少有的玻璃窗，一大片石屎外牆太浪費美景了

汀九橋落日

望著伴我周圍去搞到成身傷痕的A75，我竟然有種bye bye的念頭。這是否中毒的徵兆？係就大鑊了。