東龍戰記
Sunday, May 14th, 2006
我地先係西灣河地鐵站集合，食個早餐，然後去避風塘坐十一點班船入東龍洲。
除左西灣河之外，大家仲可以係油塘三家村搭街渡入去。
呢程街渡相當簡陋，連坐位都冇，乘客們都係坐地板吹海風，相當好feel。
到左南堂碼頭啦！
本來上船時仲係天陰陰，點知一出左維港個太陽就曬到九彩！
上岸後向左走，諗住先去東岸睇浪同埋小解一下。不過我地中途花少少時間轉上山，睇下呢個小山丘上既牙鷹石。石底好陰涼，有幾個行山長者係度訓午覺，好爽！bagghin望返去柴灣同頭先搭船經過既漁排。好似有團安排去ｄ漁排釣魚既。
風起雲湧既彿堂門水道，正所謂浪花淘盡英雄．．．咩料啊？
成個東岸都係風化既岩石同懸崖，當日就有一班人玩攀石喇。
大浪拍岸既時候，岸邊有個位仲會噴水tim。
東岸果邊仲有個東龍炮台遺址，係清康熙年間起既，不過到今時今日只係淨低ｄ石牆係度，政府仲專登起左個天幕來保護佢。
對岸就係有錢人playground清水灣鄉村俱樂部。
唔係斷背山。
回望清水灣釣魚翁，山型真係好靚。
睇完浪，行完炮台後就上山。
上山路上既樹都幾密，好易整損手腳。下次再來要著長褲喇。
努力上山。
山頂既鐵絲網地帶係民航署導航站，成隻UFO咁，仲有輻射危險牌？怪！ =.=
山路旁有舖電纜工程，沿路堆滿呢ｄ「高壓電纜」石板。
bagghin X Christ the Redeemer?!?!?!
石澳 X be X 細ed
觀景台，好風好夕陽。
觀景台有路落岸邊既石刻古蹟，要行幾百級樓梯落去．．．然後再原路返上來！
bagghin極力推介，結果得我自己一個人落去睇！
老實講真係睇唔清楚舊石上面刻左乜！bagghin回水呀！
係士多食個tea，等五點半船返市區。
大家今日都曬到紅哂，証明夏天來了！係時候去玩水喇！
